Écrit par Jean Bodel, ‘Le Jeu de Saint Nicolas’ est un poème emblématique du Moyen Âge qui illustre le combat entre les valeurs chrétiennes et l’hostilité des païens. Ce chef-d’œuvre, chargé d’émotions, révèle l’esprit chevaleresque et la foi inébranlable de ses personnages. Dans un contexte historique fascinant, ce poème reste pertinent aujourd’hui, invitant les lecteurs à explorer les thèmes de la loyauté et de la spiritualité.
« LI CRESTIIEN PAROLENT Sainz Sepulcres, aie! Seignor, or del bien faire! Sarrazin et paien vienent po¨r nos forfaire. Vez les armes reluire : toz li cuers m’en esclaire. Or le faisons si bien que no proece i paire. Contre chascun des noz sont bien cent par devise. UNS CRESTIIENS Seignor, n’en dotez ja : vez ci nostre juïse Bien sai tuit i morrons et Damedieu servise; Mais mout bien m’i vendrai, se m’espee ne brise Ja n’en garira un ne coife ne haubers. Seignor, et Dieu servise soit ui chascuns oferz Paradis sera nostre et eus sera enferz. Gardez a l’assembler qu’il encontrent noz fers. UNS CRESTIIENS NOVEAUS CHEVALIERS Seignor, se je sui juenes, ne m’aiez en despit! On a veü sovent grant cuer en cors petit. Je ferrai tel forçor, je l’ai piece a eslit Sachiez je l’ocirai s’il ainçois ne m’ocit. LI ANGES Seignor, soiez tuit asseür N’aiez dotance ne peür. Messagiers sui Nostre Seignor, Qui vos metra fors de dolor. Aiez, voz cuers fers et creanz En Dieu; ja por cez mescreanz Qui ci vos vienent a bandon N’aiez les cuers se seürs non. Metez hardiëment voz cors Por Dieu, car ce est ci la morz Dont toz li pueples morir doit Qui Dieu aime de cuer et croit. UNS CRESTIIENS Qui estes vos, beaus sire, qui si nos confortez, Et si haute parole de Dieu nos aportez Sachiez se ce est voir que ci nos recordez, Asseür recevrons noz enemis mortes. LI ANGES Anges sui a Dieu, beaus amis Por vo confort m’a ci tramis. Soiez seür, car enz es cieus Vos a Dieu fait sieges eslieus. Alez! Bien avez comencié Por Dieu serez tuit detrenchié, Mais la haute corone aurez. Je m’en vois. A Dieu demorez! LI ANGES A! chevalier qui ci gisiez, Con par estes boneüré! Come, or cez ores, despisiez Le mont ou tant avez duré! Mais por le mal qu’eü avez, Mien escient, trés bien savez Queus biens ce est de paradis, Ou Dieus met toz les siens amis. A vos bien prendre garde doit Toz li monz, et ensi morir; Car Dieus mout doucement reçoit Ceus qui o lui vuelent venir. Qui de bon cuer le servira Ja sa peine ne perdera, Ainz sera es cieus coronez De tel corone come avez. »
En fin de compte, ‘Le Jeu de Saint Nicolas’ ne se limite pas à une simple représentation du conflit religieux ; il encourage aussi chacun d’entre nous à réfléchir sur nos propres croyances et valeurs. N’hésitez pas à découvrir davantage d’œuvres de Jean Bodel pour plonger plus profondément dans la richesse de la poésie médiévale.