Le poème ‘No 6 de Bartsch’ de Peire Raimon de Toulouse est une véritable exploration de la fin’amor, une forme d’amour courtois typique du Moyen Âge. Cet auteur occitan, influencé par les traditions troubadour, aborde le thème du désir avec une intensité remarquable. Dans cette œuvre, chaque strophe révèle la profondeur des émotions liées à l’amour, mêlant admiration, souffrance et dévotion envers la dame aimée. Ce poème demeure significatif pour sa capacité à capturer l’essence même de la passion amoureuse médiévale.
I. De fin’amor son tot mei pensamen E mei desir e mei meillor jornal E pres d’Amor voill aver mon ostal, Per so car fis ab fin cor finamen Li·m sui renduz, setot ben no m’acoil; E ges per tan de leis servir no·m toil, Setot son greu e perillos li fais Qe fai als seus soven Amors sofrir. II. Pero m’a fait Amors tan d’onramen Qe mai e mels ab ferm cor natural Am qe nuls hom; ni non dic qom ni qal, Tot per paor de malvais parlamen; Mas lo dolz ris e la faz e·ill beil oil E sa faichos plaisenz de bel escoil E·l gai solaz e·l gen parlar no·m lais Mostra quals es a cel qi sap chausir. III. E car tan son vostre ric faiç valen, Humils temen vos port amor coral; Q’el mon non a amador tan leial Qom eu vos sui, dompna, ses falimen. E sai qe faiz ardimen et orguoil, S’eu dic qe·us am, per qe·s taing q’eu en moil Mos oilz soven, car anc de mi no·s tais Q’en tan ric loc per amar mon cor vir. IV. Las! non pot hom retener son talen Q’ades no an lai don plus fort li cal, E si non a mais dolor e gran mal, E seg ades son mal ad escien; E sapiaz, domna, qe om plus mi doil Ades mi creis l’amor e· bes qe·us voil; C’us dolz pensar plaisenz del cor me nais Qe noit ni jor no·s pot de vos partir. V. No·us aus merce clamar mo chausimen, Car de valer no·us trob par ni egal; Pero qan hom als seus socor e val, Bella domna, fai son pro veramen. E car tenez de pretz l’auzor capdoil E de beltat, ades mais q’eu non soil Vos voil servir, et no·m part ni·m biais De vostr’onor amar e car tenir. VI. Domna valens, mais vos désir e·us voilh Que tot lo mon, qar fin’amors m’atrais Vostre bel cors don me lau de cauçir. VII. Ser Rambertis de Buvalel acoil Prez et valor et anc jorn no s’estrais De granz solaz e de joi mantenir.
À travers ‘No 6 de Bartsch’, Peire Raimon de Toulouse nous invite à réfléchir sur la nature complexe de l’amour courtois. N’hésitez pas à explorer davantage ses œuvres pour découvrir d’autres gemmes de la poésie médiévale et partager vos impressions sur ce poème touchant.