Le poème ‘A Pou que mon Cuer ne Font’ de Christine de Pisan est une œuvre emblématique du début du 15ᵉ siècle, où l’auteure exprime avec finesse les tourments de l’amour non partagé. Christine de Pisan, l’une des premières femmes écrivains, nous offre une vision poignante de la douleur qui accompagne le désir et l’absence. Ce poème reste significatif pour sa profondeur émotionnelle et son exploration des sentiments humains.
Quant je voy ces amoureux
Tant de si doulz semblans faire
L’un a l’autre, et savoureux
Et doulz regars entretraire,
Doulcement rire, et eulx traire
A part, et les tours qu’ilz font,
A pou que mon cuer ne font!
Car lors me souvient, pour eulx,
De cil, dont ne puis retraire
Mon cuer qui est desireux
Que ainsi le peusse attraire;
Mais le doulz et debonnaire
Est loings, dont en dueil parfont
A pou que mon cuer ne font!
Ainsi sera langoreux
Mon cuer en ce grief contraire,
Plein de pensers doloureux
Jusques par deça repaire
Cil qu’amours me fait tant plaire;
Mais du mal qui me confont
A pou que mon cuer ne font!
Princes, je ne me puis taire,
Quant je voy gent paire a paire
Qui de joye se reffont,
A pou que mon cuer ne font!
Tant de si doulz semblans faire
L’un a l’autre, et savoureux
Et doulz regars entretraire,
Doulcement rire, et eulx traire
A part, et les tours qu’ilz font,
A pou que mon cuer ne font!
Car lors me souvient, pour eulx,
De cil, dont ne puis retraire
Mon cuer qui est desireux
Que ainsi le peusse attraire;
Mais le doulz et debonnaire
Est loings, dont en dueil parfont
A pou que mon cuer ne font!
Ainsi sera langoreux
Mon cuer en ce grief contraire,
Plein de pensers doloureux
Jusques par deça repaire
Cil qu’amours me fait tant plaire;
Mais du mal qui me confont
A pou que mon cuer ne font!
Princes, je ne me puis taire,
Quant je voy gent paire a paire
Qui de joye se reffont,
A pou que mon cuer ne font!
À travers ce poème, Christine de Pisan nous invite à explorer les complexités de l’amour et du désir. Une invitation à découvrir davantage de ses œuvres ou à partager vos propres réflexions sur ses thèmes universels.